Bosveldklong :: Available for Event and Function Bookings

Kwaito, Hip Hop & Contemporary

Jazz Artists

Afrikaans Artists

Comedians

Solo/Cabaret Performers

Bands or Groups

Classical and Strings

Motivational Speakers

Sports Celebrities

How do I book a South African
artist for my event or function?

Who do I select who to get for
my functions or events?

How do I list my band or show
on Big Talk Entertainment?

Why should we use Big Talk to
book South African artists and performers?

Big Talk Entertainment is a Cape Town based Entertainments Agency for Corporate Events and have a large database of South African Artists, Singers, Bands, Acts, Comedians, Themed Shows, Motivational Speakers and Celebrities available for functions

Thys was nog altyd lief vir musiek. Alreeds op skool het hy begin kitaar en dromme speel. Hy ontmoet toe vriende wat ook instrumente speel en vinnig het die Hoer Tegniese skool Belville sy eie orkes gehad. Thys en sy vriende het geleef vir musiek en het al op skool begin om by funksies en danse te speel. Selfs een keer aan n kompetisie gaan deelneem , waar hulle die tweede plek ingepalm het!

Gedurende sy weermag dae was dit nie veel anders nie. Gou het die samajoor en kommandant hierdie man se talent raakgesien en besluit om sy geweer terug te neem en hom eerder weer sy kitaar te laat tokkel. Daarna was niks weer dieselfde nie. Hy het by elke denkbare weermag funksie en kroeg moes optree. Later van tyd het Thys begin deelneem aan avontuur kampe , waar die kitaar natuurlik nooit agter gebly het nie. In 1995 besluit Thys om te bedank en sy eie ding te probeer doen. Hy het as instrukteur opgetree by buitelug avontuur programme en selfs daar ook die kurses gangers vermaak om die kampvure.

Gou was hy nie meer tevrede met laatnag- kampvuur konserte nie en hy besluit om sy stem en kitaar te laat hoor in die restaurante en dames-kroegies van Pretoria. Thys het baie vinnig n aanhang onder sy luisteraars opgebou en net mooi n jaar later besluit hy (onder baie druk van n goeie vriend) om te demonstrasie CD op te neem. Die CD het bestaan uit sowat vier liedjies , waarvan Thys twee self geskryf het. Hy het dadelik met die CD in die hand begin rondkyk vir n platekontrak en dit was ook nie n week later nie of hy kry hom toe!

Nou ja, die res van die storie is eintlik baie eenvoudig. Thys het sy eerste CD in 1997 opgeneem (Man se ding) en daarna was daar geen stop aan hom nie! Hier volg n lys van sy vrystellings.

1997 – Man se Ding
1999 – Ma se Pa se
1999 – Gee dit Horings
2001 – Ek hou nie van werk nie
2002 – Jaloersbokkie
2003 – In die Middel
2004 – Korrektiewe Afrikaans ( dubbel cd )
2004 – Boeretroos
2005 – Thys die Bosveldklong ; Grootste treffers "Live" ( DVD )
2006 – Vet Pret
2007 – Vet Pret "live show" ( DVD )
2007 – Op Veiling (dubbel cd met country treffers)

Al hierdie CD's het "goue status" of "platinum" bereik. Thys het ook die SAMA toekenning vir komedie vanjaar gewen met sy nuutste cd vrystelling. Thys se "Grootste Treffers live en "Vet Pret" dvd's was albei blits verkopers. Op albei hierdie dvd - konserte gebruik Thys n lewendige orkes met bekende name soos Deon van der Merwe (kitaar), Anton Botha (kitaar en agtergrongsang) en Andrew Roos (orrel). Bruce Wallace moker die tromme en Johan Hiebner laat almal skaterlag met sy klappende tande! Op die nuwe dvd het Thys ook sy eie dansers ingespan en dis regtig iets om te beleef.

Thys het ook n rits ander baie interessante produkte wat by sy vertonings beskikbaar is. Daar is CD's, boeke, hoedjies, plakkers, fotos, mampoer, braaiers en self G-strings! Onlangs het hy ook n wynreeks bekendgestel en dit is al by uitgesoekte winkels beskikbaar. Thys is n baie bekende gesig op TV en het al in programme soos Bangjan Dooiejan, Dis hoe dit is, Stoute boude, Kwêla, DKNT, Pasella, Belboks, Fiesta en Maak n Las sy buiging gemaak. Hy het ook in 2001 by die Maak n Las span aangesluit en was vir vier reekse mede-aanbieder van hierdie gewilde SABC reeks.

Tans is Thys te sien in sy splinternuwe TV program op Kyknet , "Net virrie Grap" wat elke Woensdagaand om 19h00 uitgesaai word. Die reeks is baie gewild en daar word al beplan aan die derde en vierde seisoene. Thys het ook sy film debuut gemaak in 2002 saam met Steve Hofmeyr in "a Case of Murder" waar hy die rol van die trein kondukteer vertolk het!!! Die film was al n paar keer op M-net uitgesaai en is ook op dvd beskikbaar.

Thys die Bosveldklong se musiek is heerlik humoristies en word geluister deur oud en jonk. Hy sing oor als wat snaaks is en skeer graag die gek met alles en almal (insluitend homelf). Sy vertonings is baie gewild en skreeusnaaks. Mense stroom na sy vertoonings om na sy kwinkslae en lekker voete- jeuk musiek te luister. Thys se musiek en humor is vir die hele gesin... selfs die dominee ook!

Thys is nog ongetroud , hoog in aanvraag en soek meisies met goeie agtergrond (so ongeveer 20-30 duisend hektar daarvan , verkieskik met besproeing). Hulle wat kwalifiseer is welkom om vir hom te laat weet! Thys is ook bekend as n hardwerkende man wat nie sommer na 12h00 in die middag nog in die bed sal deurbring nie. Hy’gewoonlik op sodra die son deur sy kamervenster skyn (kamer aan weste kant van sy huis).

Thys se broer Piet Streicher toer altyd saam en behartig die klanksisteem en beligting by die vertonings. Broerpiet (soos almal hom noem) is n gesoute klankman en spog altyd daarmee dat hy vir Thys eintkik beter laat klink as wat hy is! Soms loop Broerpiet ook maar goed deur met die gespottery op vertonings. Die twee broers werk al vir vier jaar saam en is onafskeidbaar. Hulle ma Elise behartig die besprekings, telefoon, kontrakte en hul dieët (laasgenoemde word veral goed na gekyk) terwyl pa Piet die boekhouding en logistiek behartig.

Thys is ook n afslaer en kan genader word om jou volgende veiling te behartig. Hy doen gereeld liefdadigheids funksies en samel groot bedrae in met sy veilings. Kontak hom gerus om oor enige veiling van wyn tot eiendom te gesêls.

Thys die Bosveldklong is trots Afrikaans en gebruik Engels net uit self verdediging. Sy stokperdjies sluit als in van teken , scuba-duik, valskermspring, motorfiets ry, vlieg-hengel, lees, braai, kuier, vakansie hou tot rekspronge! (met daai lyfie – kan jy glo ?).

Thys sê "lag hou jou gesond!" en moenie die lewe te ernstig opgeneem nie want jy kom nie lewendig daar uit nie!

Go back

Content on this page requires a newer version of Adobe Flash Player.

Bosveldklong